( شمر الدوله ! )

موضوع: ( شمر الدوله ! ) الخميس أبريل 10, 2008 11:37 am

من القديم تتشرف بمعانقة أرواحكم أقبلوها كما هي ومهما كُتب في حائل وشمر فلن يصل الشاعر الى مبتغاه .

لاح برق الشعر وأن ضاقت به أطراف السما
عجزت أبكتب والقصايد ما أعجزت كتّابها
هذا الأمير سعود كف الجود في طيبه كما
بحر العرب جزل العطايا مايـحسب حسابها
شمر الدولة وحايل لو يقولون الحمــا
أقول حايل قبلة الدنـــيا / وجـنة مابها
شمر المجد الأبي تاريخ في روضه نما
شلفا ورمح وسيف ماتعصى على قضّابها
شمر على ظهور الرمك / ورماحهم تظمأ ظما
للدم وان صار اللقاء معـذور من هو هابها
شمر الأسلم نسل حاتم زحازيــح كرما
شـمر فوارس غيرها تبـطي تدوس شعابها
شمر الجربا ابو خوذه على العـزة سما
وأمجاده الــلي شيبت روس العرب يحكابها
شمر أساطير وقصص مكتوبة بغيم ودما /
شمر بطولات العلي : شبّانها وشيــــّابها
شمر أفعال الضماد أيه عْظما نسل عْظما
وأصغر ضمادي عن مية شـارب وآنا أدرى بها
لا هان من هو في فوارس شمر العليّا أحتما
ما دامها صانـت ثرى حايل تعـز أصحابها
عيون ماتـــعشق مواطن طي جعله للعمى
ولآبو صدورٍ ماتـــحن لـحايـل ولترابها
حايل / أغاني / أمنيات / أشواق / معسولة لما
حايل ورودٍ عابر الدنيا صـــــدى أطيابها
حايل ملامح فاتنة في خدها الورد ارتمى
ونوار أجا وسلمى عطر يملا السهل وهضابها
حايل دموعي بسمتي حلم الطفولة كلما
ذكرتـــها هذا الحنين اليا نبض غنا بها
قالها اللامي نسل طي العريقه طالما
حايل بلادي و غـيرها لا له بي ولا لي بها

أخوكم

الزعيم

حايل دموعي بسماتي حلم الطفولة كلما
ذكرتـــها هذا الحنين اليا نبض غنا بها
قالها اللامي نسل طي العريقه طالما
حايل بلادي و غـيرها لا له بي ولا لي بها

سلمـــــت يـــداكـ

الزعـــــــــيم

تقبـــــل مــــــــروري

قصيدة جميلة ورائعة

صح لسان شاعرها

ومشكوووور أخوي الزعيـم على المشاركة

والله يعطيك العافية

أخوكـ
غركـ زمانكـ

مشكورررين لمرور

تحياتي لكم

مشكور أخوي الزعيـم

على القصيدة الجميلة والرائعة

وربي يخليك

.: فتى صديان :.